四段令人發笑的對話

［一］

好友C說：「我啲同事，對各樣食材都好有認識，中文又得，英文都得。上次食LUNCH，有外國嚟既客，大家一齊去飲茶。我啲同事見到嗰啲瓜... 嗰啲有啲毛毛既瓜哩... 咩呀.. 叫咩... 」（同時，頭頂浮現了十萬個問號）

我說：「咩瓜呀？有毛瓜... !?」

好友S說：「節瓜呀！？証明妳（指好友C）都真係唔係師拉啦，節瓜都唔知！」


［二］

家姊說：「我見到件蜜蜂衫，好想買俾亞B 呀！ 」（亞B - 即我們的外甥）

我說：「係咪嗰啲有埋頂帽，搞到亞B變咗成隻蜜蜂咁嗰啲呀？究竟點解啲人咁鍾意將啲BB扮蜜蜂！？ 」

家姊說：：「B... BEE... 」

（那一刻，我感到頭上有十隻烏鴉飛過。）


［三］

好友R說：「妳睇咁多育嬰手冊呀？」

我說：「咩育嬰手冊呀？邊個話你知我有咗呀？我自己都唔知... ... 」

好友R說：「我講妳啲酒書呀。唔係咩？妳諗吓，妳啲酒，咪好似妳啲BABY咁囉，妳嗰啲酒書，咪好似育嬰手冊囉！」

（那一刻，我感到額上有十條線+ 一滴汗。）


［四］

好友A說：「妳個DINNER，我嚟呀！」

我說：「好呀！好友B同好友S都嚟呀？」

好友A說：「咁妳嗰個FRIEND呢？嗰個呀.... 嗰個呢... .. 」

（那一刻，我心想，難道我會跟這位好友有心靈感應？不停說「嗰個呢」。）

我說：「邊個嗰個呀？X君？」

好友A說：「唔係呀！嗰個呀... 呢... 嗰個... ’阿仔'呀！」

我說：「'阿仔'！？　妳講Z君呀?」

好友A說：「係呀！係呀！」

我說：「我幾時又做咗人哋AUNTIE呀？又多咗個仔？前幾日先有人同我講緊育嬰手冊... ... 」

（好友不只路盲症嚴重，仲開始有點老人痴呆，又或者係醉酒仲多過我，成日唔認得嘢... ... )



後記：我身邊的好友與家姊，實在是我的快樂泉源。還有，我見他們的想像力比我還要豐富，實自愧不如。