「BYE BYE dinosaur」一日遊（四）：花姨，我下次同你搭XXX號巴士去街市吖！

（接續）

跟外甥們搭107，從紅隧到九龍灣，除了明白多一點大孩子的港鐵－巴士記憶庫，還發現他很喜歡帶路。

當他發現自己很熟悉的一條巴士路線是花姨從來未搭過的，他竟變得更積極起來，說要帶我搭，然後到街市。聽他說得如廝肯定，像極自己識路，知道街市為何物，我想試一試他，接下來衍生這對話：

「去街市？買菜好唔好呀？」
「好吖！」

「嗰度有冇生菜呀？」
「有呀！」

「哦！咁有冇生果呀？買啲生果啦！買檸檬，好唔好？」
（本來望出巴士窗外的他，回頭往車廂內，望著我，矇起眼來）
「唔好呀！檸檬好酸呀！」

「酸呀？咁有咩唔係咁酸呀？蘋果，好唔好？」
「好吖！」

「咁下次我哋去街市，買生菜，買蘋果。」
（他沒即時回應。待車於下個交通燈位停定了，他雙手從背包裡"扮"拿出了錢。）

「嗱！我俾錢妳去買吖！妳袋好喎！袋好呀！」
（我"扮"接了錢，雙手合著他剛才"給"我的空氣，放進手袋。）

「放好喇！」
（他點一點頭，安心繼續望出巴士窗外看風景。）

對話讓我感到，他是知道錢是需要好好保管，還有，他不喜歡檸檬。

（待續）