一個時代的終結

離開廣州省檔案館，我嗅到門外的桂花香；走近，桂花已不在，都給剪掉了，但香氣依然飄於空氣中。

＊＊＊

來到第三個學期，歷史檔案及檔案管理（Archive and Records Management）的學業生活過了一半，而我亦變得更積極了解何謂檔案/ 歷史檔案的存在價值。

早前到了廣州省檔案館參觀，看到以下的石碑寫著的文字：

「重要證據」，就是給人資料作根據，去學習，去進步。

知識可以改變命運

*第29日*

--- 第七次見醫生---

「妳用緊嗰枝... 有類固醇（越講越細聲，好似想收番啱啱講完既幾個字）... 白色樽嗰枝眼藥水，用咗之後有冇好啲？」

剛被轉介至（眼）角膜專科醫生，第一次會面，他問我。

「哦......嗰枝steroid呀~  都好咗啲啲既，但係隻眼睇嘢，都仲係未清喎。」

檢查完畢，醫生想了一分鐘。

「我開枝勁少少既藥俾妳，用一個星期，返嚟覆診，再睇吓點啦！」

我問：「勁少少，又係steroid呀，咁又有咩SIDE EFFECT呀？」

本來在寫診斷報告的醫生回頭望著我，說：「嗱，真係...真係...好長遠，而又講緊連續用好耐呀，係有可能導致青光眼。」

「吓？點解會有人無端端用steroid用咁耐呀？唔係啩......」

「唔係個個都好似妳咁，識得問，有啲公公婆婆，唔知係咩，諗住滴吓滴吓，又幾好喎，咪當咗普通眼藥水咁用，然後用完，仲攞住出去藥房買，咪KEEP住滴囉......」

「噢!」

可能醫生見我好專心聽，他續說：「仲有啲阿媽，帶啲小朋友嚟睇，雖然開咗啲唔係好勁既，但係佢哋見個小朋友，滴完好咗，又唔返嚟覆診。之後，出咗事，先帶佢返嚟睇，原來佢以為嗰枝眼藥水可以滴完又滴，又係咁囉，去醫房買，KEEP住滴，咁個小朋友咪慢慢變咗有青光眼......真係咩人都有，唔係個個好似妳咁，都叫做識得問吖......」

「咁點解藥房會有得賣啲藥呀？我以為啲steroid係一定要prescription。」

我說罷，這次到醫生旁邊的護士望著我，然後說：「藥房其實都唔應該賣"丸仔"啦，咪又係有得買!?」

「噢！明白晒！」

--- 就是跟這醫生與護士的一席話，我明白何謂「知識改變命運」。

其實，我「識問」是因為自己對於任何藥物都存有「偏見」，尤其類固醇，總覺得必定有些存在風險，所以要知清楚，以防身體有甚麼反應變化，也有些心理準備，而我認為「識問」是種「common sense」,但原來並非人人有。回想起來，我看是自己畢竟讀中學的時候，讀過生物科（Biology）和化學科（Chemistry），曾經吸收過的知識於不知不覺間融入了生活當中，所以那刻聽到醫生的話，我便不期然想起問題。

若然我從來未曾接觸過生物科，又不知道何為類固醇，亦不知道有些藥物可能帶來副作用，我便不會向醫生查詢，而更有可能的是，我的個案就可能變成醫生提到的個案。如果那些公公婆婆或父母是有點知識之士，他們自己與孩子們的命運很可能會不一樣的。

後記：六年前的二月，原來我同樣遇過眼毛病...

更多資料：關於青光眼。

我好想你

獨自出遊時，或多或少會想自己，想生活，也許，有時會想起一些人，想起一個人。

＊＊＊
總覺得獨個兒出遊的樂趣無窮，甚至比起有旅伴一起的旅程來得更豐富更精彩，是因為一個人的時候，我更加留意周邊的人與事，看見的聽到的特別多。

有時走在路上，我可能會想起曾經在自己生活上遇過的人，曾經在生活軌跡上留痕的人。間中，我心裡不期然會想說句「我好想你」，不過，既然在那一刻，我獨自走著，也無謂多想，無謂空想，好好感受當下，不好麼？

2015年＠摩洛哥Casablanca的日落與月色

頑童

2016年的外遊來到最後一站，回程時，我要在機場等上幾個小時。沒事做，到書店看看，遇上林夕散文集《任你行》。因為書名，因為封面設計，因為無所事事，我買了這本書。

一天內，我把書看完了。回到家裡，我聽了幾次陳奕迅的這首歌：

***
也許，要自由，其實先要自私。然而，自私過後，得到自由，又如何？
做一世頑童，又有何不可？