如果妳一個月揾兩萬蚊（元），但係你老公揾萬八，咁妳會點？

這天遇上健談的士司機，由上環到灣仔會展附近，談到車抵達金鐘附近，司機才發現沒有起錶......

「咦，要轉線既？」
「係呀，嗰條直去；轉線先可以轉右去...」
「哦... 」
「小姐，妳唔知呀？」
「......」

（右轉後）

「小姐，妳有冇揾兩萬蚊一個月呀？」
「......」
「妳估我揾幾多吖？」
「......」
「我話妳知吖，每日俾車租四百，入油百五，一日都冇五百五，一日十二個鐘，你計吓喇......」［已刪去不少內容，加上我的支吾回覆與遲鈍反應，結果，他於上環至中環IFC對開的路程中，把這幾句重覆至少三次。］

「嗱，妳計吓喇，一個月最多都係揾萬八呀！小姐，如果妳揾兩萬，妳老公揾萬八，妳點吖？」

（五秒寂靜）

「哎呀，唔記得起錶！」
「咁你話幾多啦......」

（同意了價錢後，又五秒寂靜）

「其實香港真係唔易揾食呀，我哋呢啲有咁上下年紀，又冇咩讀書，小學畢業，有咩做吖？又冇人請，咪揸的士囉，都好過去担担抬抬既。一個月得萬八......［他又重覆］所以你話讀書幾重要吖！就算宜家中學畢業，出嚟做得兩三年嘢，又點吖？」
「咁如果佢做嘢之後，繼續進修，都OK既......」
「小姐，妳聽唔明呀？讀書真係好重要......」

（車停了在燈口，過了燈，就到了。）

「係囉... 」
我說罷，下車了。

＊＊＊
有點苦口婆心，語重深長的話......我猜，他深信知識可以改變命運吧！

那邊廂，我聽到一點弦外之音，我的另一半，收入一定要比我高才可......事實上，今時今日不少茶餘飯後的話題在談現今的女士太現實，未拍拖就問他有樓有車否，又或月入多少芸芸，的士司機的話讓我想，那是早於幾個世代前已留下來的思想吧！只是於舊年代，女士們不那麼直接而已，實際上，女人在意，男人介意。

在我看來，女人努力，月入兩萬＋萬八便可。