恐龍與獅子（下）

（接續）

「光頭恐龍」、「光頭恐龍」、「光頭恐龍」...... 獅子口中的四個字，在恐龍的腦海裡成了回音。忽然間，他在思索獅子的問題：「點解自己冇頭髮？」

獅子見恐龍沒有回應，便開始作猜測：「恐龍呀，係咪光頭成為今年最潮既STYLE？抑或係你怕熱呀？定係你身體有點不妥呀？」

其實，恐龍也不知道為何自己沒有頭髮，他明白的就是自己天生如此。於是，他回答說：「獅子呀，其實我都唔知點解，你講嗰啲都唔係，根本我就天生係咁樣。你又知唔知點解你咁多頭髮吖？」

獅子說：「你又講得啱喎，其實我都冇諗過點解自己咁多頭髮。既然上天已經安排如此，我都接受咗自己係咁樣，都冇諗過點解。不過，就算係獅子同類，我哋啲頭髮都有少少唔一樣。你睇吓我個朋友，同我個樣有啲唔同，髮型都唔一樣。」

恐龍望望左，又看看右，在眼前的兩隻獅子跟前打量了幾眼，然後說：「又係喎。」

一下子，「光頭恐龍」與「長髮獅子」又陷入各自的思潮之間，又一陣寂靜。

結果，他們一起置身在那廣闊的草原上，一起吹吹風，一起放開外面的喧囂帶來的煩躁，一起享受片刻的寧靜。此情此景，他們心裡都知道，大家的外表不重要，更重要的是大家相遇的時候，沒有因為大家不是同類，看起來不一樣，而口角或大動干戈。能心平氣和，就有和平。